لە شاری حیللەی پارێزگای بابل
بەهۆی ئاگرێکەوە سێ کەس گیانیان لەدەستدا و شەش کەسی دیکەش بریندار بوون
964+
پەری ساڵح
لە رووداوێکی ئاگرکەوتنەوەدا لە دووكانێکی فرۆشتن و چاککردنەوەی ماتۆڕسکیل لە شاری حیللەی پارێزگای بابل، بەرامبەر نەخۆشخانەی کۆماری، سێ کەس گیانیان لەدەستدا و شەش کەسی دیکەش برینداربوون.
بەپێی زانیارییەکانی سەرچاوەیەکی ئەمنی بۆ 964 عەرەبی؛ ئاگرەکە لە کاتی چاککردنەوەی ماتۆڕسکیلێکدا و بەهۆی تەقینەوەی تانکیی سوتەمەنییەکەیەوە کەوتووەتەوە.
تەندروستیی بابل ئاماژەی بەوەکردووە، کە کەسێک لە شوێنی رووداوەکە گیانی لەدەستداوە و دوو لە بریندارەکانیش بەهۆی سەختی برینەکەیانەوە دوای گەیاندنیان بە نەخۆشخانە گیانیان لەدەستداوە، شەش کەسی دیکە بە سووکی برینداربوون و لەژێر چاودێریی پزیشکیدان.