کەمێک لەمەوبەر
خەلیفان؛ لە دۆڵى ئالانە دوو دەنگى بەهێز بیستران
964+
ژوورى هەواڵ
پەیامنێرى 964 رایگەیاند، کەمێک لەمەوبەر، لە نزیک کەمپى پێشمەرگەکانى دیموکرات لە دۆڵى ئالانەى سنوورى قەزاى خەلیفان، دوو دەنگى بەهێز بیستران.
خەڵکى سنوورەکە گوێبیستى دەنگەکان بوون و دواى ئەوەش دوو کەڵ لە کەمپەکە بەرز بووەتەوە و بەپێى ئەزموونەکانى پێشتووتر، پێدەچێت هێرشى درۆنى بووبێت.
نوێکراوەتەوە لە کاتژمێر 3:00
سەرچاوەیەکى بەرپرس لەناو حیزبى دیموکرات بە 964ـى راگەیاند: هێشتا لە شوێنی رووداوەکە نزیک نەبووینەتەوە، بۆیە نازانین بەدیاریکراوی زیانەکان چین، بەڵام باوەڕ ناکەین زیانی گیانی هەبێت.
وتیشی، “هێرشەکان بە دوو مووشەک ئەنجامدراون و لەگەڵ موشەکی دووەم ئاگر کەوتووەتەوە و تا ئێستاش ئاگرەکە بەردەوامە و پوش و پەڵاشی دەوری کەمپەکە دەسووتێت”
پێداچوونەوە: وریا فەتاح