بەنزینخانە گەڕۆکەکانی هەولێر لەسەر شەقام نەمان

ئەحمەد شەمزین – هەولێر

لە هەولێر ژمارەیەک ئۆتۆمبێل هەبوون کە پێیان دەوترا بەنزینخانەی گەڕۆک و لە سەر چەند شەقامێک دەوەستان بەڵام لەبەر گرانبوونی بەنزین ئێستا کشاونەتەوە و نابینرێن.

ئەو بەنزینخانانە تەنیا بەنزینی موحەسەن و سوپاریان هەیە و موحەسەنیان دەدا بە 1800 دینار بەڵام دوای بڕیاری هەرزانکردن ئەوانیش نەمان لەسەر شەقامەکان.

سالار محەمەد سەرپەرشتیاری لیژنەی نەوت و گاز لە وەزارەتی سامانە سروشتیەکان بە 964ـی وت، دەبوو بەنزینی موحسەن بدەن بە 1000 دینار و سوپەر بە 1200 دینار بۆیە نەیانتوانیوە و لە ئێستادا کۆمپانیاکە ئۆتۆمبێلەکانی کشاندووەتەوە تا کێشەکە چارەسەر دەبێت.

پێداچوونەوە: توانا نەقی