سلێمانی
لە رۆژانی هەینیدا وەرزشوانان هۆڵەکان جێدەهێڵن و روو لە پارکی ئازادی دەکەن
964+
رازاو محەمەد – سلێمانی
ژمارەیەک لە وەرزشوانانی شاری سلێمانی، رۆژانی هەینی چالاکییە وەرزشییەکانیان لە دەرەوەی هۆڵە وەرزشییەکان ئەنجام دەدەن و پارکی ئازادییان وەک شوێنی سەرەکی بۆ راهێنانەکانیان هەڵبژاردووە.
زەمەن ئیسماعیل، یەکێکە لە وەرزشوانانەکان، بۆ 964 وتی، “زۆر گرنگە چالاکییە وەرزشییەکانمان لەناو سروشت ئەنجام بدەین، چونکە هەوای پاک هەڵدەمژین و لە هەمان کاتدا دیمەن و رەنگە جیاوازەکانی سروشت دەبینین، کە کاریگەرییەکی باش لەسەر دەروون و جەستە هەیە”.
پارکی ئازادی لە شاری سلێمانییە و لە رۆژانی پشوودا، بەتایبەتی رۆژانی هەینی، وەرزشوانان و هاوڵاتییان رووی تێدەکەن.
پێداچوونەوە: مستەفا نەهرۆ