بابۆڵە کەبابى شارە حەیاتەکە حەلى نییە

964+

سلێمانی – رازاو ئەمین

کەبابى سلێمانى خۆى تایبەتە و بابۆڵەکەشى حەلى نییە، لە ناو نانێکى گەرمدا، شیشێک کەباب لەگەڵ تەماتەى براژا و پیاز و دوو بیبەر و کەمێک ترش و کەرەوز تێکەڵ دەکرێت و بابۆڵەى لێ دروست دەکرێت.

لە سلێمانى، بابلۆى کەباب خواردنێکى لەمێژینەى شارەکەیە، هەر کەسێکیش رێى بکەوێتە شارە حەیاتەکە و بابۆڵەیەک بخوات، بێ شک و گومان دووبارەى دەکاتەوە.

محەمەد حاجی حەكیم کە ساڵانێکە کەبابچییە لە شارەکە و وەستایەکى ناسراوە، بابۆڵەى کەباب پێشکەش دەکات و دەڵێت: موشتەرى بابۆڵەمان زۆرە، حەزدەکەن چەوراییەکەى بە دەستیاندا بێتە خوارەوە، چونکە بەمشێوەیە تام و لەزەتى زیاترە.

پێداچوونەوە: وریا فەتاح