بە کۆنمرەی 99.7 پلەی دووەمی لەسەر ئاستی هەرێم بەدەستهێنا

دیلان محەمەدجەزا – سلێمانی

یەکێک لەو قوتابیانەی لە پۆلی 12ـی ئامادەیی پلەی بەرزی بەدەستهێناوە خەڵکی سلێمانییە و دەڵێت، رۆژانە 10 بۆ 11 کاتژمێر سەعی کردووە.

ئاریاز بەهرۆز کە بە کۆنمرەی 99.7 پلەی دووەمی لەسەر ئاستی هەرێم لە بەشی زانستی  بەدەستهێناوە، قسەی بۆ مایکی 964 کردووە و دەڵێت، “مامۆستاکانم و دایک و باوکم دەقە بە دەقە لەگەڵمدا بوون، بەڵام بەڕاستی دایکم پاڵپشتی سەرەکیم بوو و نیوەی دەرەجەکەم هی دایکمە”.

ئەو حەزی لە پزیشکیی گشتییە و دەڵێت، ئەگەر قسمەت بێ ئەو بەشە هەڵدەبژێرم.

دایکی ئاریازیش کە خۆی مامۆستای فیزیایە دەڵێت، “خۆشترین کاتمان بوو، ئەو کاتەی کە دەرەجەکانمان کردووە و خۆی وتی دووەم بووم”.

باسی لەوەشکرد، کوڕەکەی منداڵێکی گوێڕایەڵە و بۆ سەعیکردن هیلاکی نەکردوون، لە دوای تاقیکردنەوەکانیش، لێی نەپرسیوە چۆن بووە بۆ ئەوە ی فشاری لێ نەکەن.

پێداچوونەوە؛ شۆڕش قادری