دیمەنی گروگەکە و ئەو چەکەی پێی کوژراوە - وێنە: پۆلیسی دارستانی گەرمیان
لە قەرەهەنجیر
تۆمەتبارێک دەستگیرکرا کە گورگێکی کوشتووە
ئەحمەد مستەفا
تۆمەتبارێک بە خۆی و چەکەکەیەوە لەلایەن پۆلیسی دارستانی قەرەهەنجیرەوە دەستگیرکرا، دوای ئەوە زانرا گورگێکی کوشتووە.
مەفرەزەیەکی بنکەی پۆلیسی دارستان و ژینگەی تەکیەی جەباری، سەر بە بەشی قەرەهەنجیر، بە سەرپەرشتی بەرپرسی بنکەکە، دەرچوونێکی ئەمنی لە سنووری بەرپرسیارێتی خۆیان ئەنجامدا.
بەپێی ڕاگەیاندنی بەڕێوەبەرایەتی پۆلیسی دارستان و ژینگەی گەرمیان، لە ئەنجامی ئەم دەرچوونەدا، تۆمەتبارێک دەستگیرکرا کە تۆمەتبارە بە کوشتنی گورگێک بە چەکی جۆری تاپڕ.
بەپێی بڕیاری دادوەری لێکۆڵینەوەی چەمچەماڵ، تۆمەتبارەکە لە ئێستادا راگیراوە و پەڕاوێکی لێکۆڵینەوەی بۆ کراوەتەوە، بەمەبەستی تەواوکردنی رێکارە یاساییەکان و ئەنجامدانی لێکۆڵینەوەی پێویست لەسەر رووداوەکە.