رووداوەکە لە گەرمیان بووە
گەنجێکی دەربەندیخان بە تەزووی کارەبا گیانی لەدەستداوە
964+
میلاد جەلال – گەرمیان
ئێوارەی ئەمڕۆ هەینی گەنجێکی دەربەندیخان بەناوی رەوەند حاجی فایەق بەهۆی بەرکەوتنی تەزووی کارەباوە گیانی لەدەستدا.
سۆران حەمەغەریب، وتەبێژی پۆلیسی گەرمیان بە 964ى وت، رووداوەکە لە گوندی ژاڵەناوی سەر بە ناحیەی مەیدانی ئیدارەی گەرمیان روویداوە بەڵام “ئەو گەنجە دانیشتوی قەزای دەربەندیخانە”.
وتیشی “گەنجەکە لەناو باخەکەی خۆی بووە و دەسکاری کارەبای کردووە”.
ئاماژەی بەوەشکرد، تەرمەکەی رەوانەی پزیشکی دادی دەربەندیخان کراوە و پۆلیسیش پەڕاوی لێکۆڵینەوەی لەسەر روداوەکە کردۆتەوە.
پێداچوونەوە؛ فەرهاد حەسەن