ئێران موشەکی هاویشت و ئامانجەکەی نەپێکا ترەمپیش دەڵێ، ئێران نابێ چەکی ئەتۆمی هەبێت

964+

پەری ساڵح

:بەهیوای هەینی پشوویەکی خۆشتان هەبووبێت، هیچتان لەدەست نەچووە و کورت و پوخت ئەوەی روویداوە لێرە بیزانن:

📌ئاژانسی فرانس پرێس: تێکشکاندنی 25 درۆنی لە ئاسمانی ناوچەی سان پترسبۆرگی رووسیا راگەیاند.

📌سێنتکۆم:کە هێزەکانیان هێرشێکی بەرفراوانی مووشەکی و درۆنیی ئێرانیان بەرەو گەرووی هورمز و وڵاتانی کەنداو تێکشکاندووە.

📌سێنتکۆم: چوار درۆنی ئێرانیان خستووەتەخوارەوە کە بەرەو گەرووی هورمز دەچوون، چەند کاتژمێرێک دواتر، ئێران حەوت مووشەکی بالیستیی ئاراستەی کوێت و بەحرەین کردووە، شەش مووشەکیان رێگرییان لێکراوە و تێکشکێندراون، مووشەکی حەوتەمیش نەگەیشتووەتە ئامانجەکەی.

📌سێنتکۆم: هێزەکانی ئەمریکا وەک بەرگریکردن لە خۆیان، هێرشی پێچەوانەیان کردووەتە سەر بنکەکانی راداری چاودێری کەناراوەکانی ئێران لە ناوچەی غورۆک و دوورگەی قەشم.

📌سێنتکۆم: بە تەواوی ئەو دەنگۆ و بانگەشانەی ئێرانی رەتکردەوە کە گوایە زیان بە بنکەی کەشتیگەلی پێنجەمی ئەمریکا لە بەحرەین گەیشتووە.

📌هێزەکانی کوێت: سیستمی بەرگری ئاسمانی وڵاتەکەمان رووبەرووی هێرشە مووشەکییەکان و درۆنەکانی دوژمن دەبێتەوە.

📌نیویۆرک تایمز لە زاری بەرپرسێکی ئەمریکییەوە: مانگی رابردوو هێزەکانی ئەمریکا یارمەتیدەر بوون لە تێپەڕبوونی زیاتر لە 100 کەشتیی بازرگانی بە گەرووی هورمزدا.

📌سوپای ئیسرائیل: تێکشکاندنی درۆنێک لە باکووری ئیسرائیل و کەوتنەخوارەوەی دوو درۆنی دیکەی لە باشووری لوبنان راگەیاند.

📌وتەبێژی وەزارەتی دەرەوەی ئەمریکا: ئەو مەرجانەی لەسەر مێزی گفتوگۆی نێوان لوبنان و ئیسرائیل دانراون دادپەروەرانەن و رەزامەندی هەردوولایان لەسەرە.

📌وەزیری وزەی ئەمریکا: دابینکردنی بڕی پێویستی نەوت لە ڕێگەی گەرووی هورمزەوە بۆ دابەزاندنی نرخی سووتەمەنی، لە کۆتاییدا پێویستی بە دۆزینەوەی چارەسەرێک دەبێت لەگەڵ ئێران.

📌وەزارەتی تەندروستی لوبنان: لە ئەنجامی هێرشێکی ئاسمانی ئیسرائیل بۆ سەر پارێزگای نەبتیە لە باشووری لوبنان پێنج کەس گیانیان لەدەستداوە

📌ترەمپ: سەرکەوتن و بەرەوپێشچوونێکی باشمان لەگەڵ ئێران هەیە و ئەوان نابن بە خاوەنی چەکی ئەتۆم.

📌ترەمپ: جموجۆڵی هەناردە و هاوردەی نەوت چالاکە لە گەرووی هورمز، هەر بۆیە نرخی بەرمیلێک نەوت 97 دۆلارە نەک 300 دۆلار.

📌ترەمپ: پێم خۆشە ئۆکرانیا و روسیا گفتوگۆ بکەن و لێ گەڕێن با خۆیان رێک بکەون، من ئەو کەسەم ئەوانم بەمە گەیاندووە.

📌ترەمپ: پیت هێگسس [وەزیری جەنگی ئەمریکا] وەک گەوهەرە.

هەرچی لە بارەی ناوخۆوەی هەرێم و عێراقەوەیە:

📌 ئەو شەش گەنجەی خەڵکی قەزای خورماتوو بوون و بێ سەروشوێن بوون، ئێوارەی دوێنی بە مەبەستی گەشت و سەیران روویان لە گوندی “خۆرنەوازان” لە سنووری ناوچەی داودەی سنوری خورماتوو کردبوو، بە سەلامەتی دۆزرانەوە.

📌راوچییەکی مێردمنداڵی تەمەن 17 ساڵ لەکاتی راوە ماسی لە دەریاچەی حەمرین-ی لە سنووری دیالە خنکا

📌کافێیەک لەسەر چیای زاوا لە دهۆک ئاگری گرت و بە تەواوی سووتا