شەوى رابردوو چى روویدا

درۆن به‌سه‌ر كۆرمۆر فڕی و عەلى زەیدی له‌ ده‌ست چوارچێوه‌ی هه‌ماهه‌نگی گیری خواردووه‌

وریا فەتاح

شەوی رابردوو لە گرژییەکانی ناو چوارچێوەی هەماهەنگییەوە بۆ ئاسمانی کۆرمۆر و ئاشکرابوونی پلانە هەواڵگرییەکان لە ئەمریکا گەرم بوو. کورت و پوخت بزانە چی روویداوە:

📌 کۆبوونەوەی ژمارە 301ـی چوارچێوەی هەماهەنگی بەهۆی دروستبوونی گرژی و دەمەقاڵێ لەسەر دۆسیەی جورف سەخەڕ و جووڵاندنی هێز، بێ ئەنجام کۆتایی هات.

📌 له‌ بابه‌تی جوولاندنی هێز به‌ره‌و ناوچه‌ی جورف سه‌خه‌ر، ‌ گرژی و ده‌مه‌قاڵی له‌ كۆبوونه‌وه‌كه‌ دروست بووه‌.

📌 کەتائیبی حیزبوڵڵای عێراق جێبەجێکردنی بڕیاری گۆڕینی هێزەکانی لە جورف سەخەڕ رەتدەکاتەوە.

📌 زەیدی پێداگرە لەسەر چۆڵکردنی ناوچەکە و رادەستکردنی بە هێزە فەرمییەکان دوای ئاشکرابوونی قاچاخچێتیی نەوت تێیدا.

📌 بەهۆی سووڕانەوەی درۆنێکی نەناسراو بەسەر ئاسمانی کێڵگەی غازی کۆرمۆردا، زەنگی ئاگادارکردنەوە لێدرا.

📌 رێکاری ئەمنی گیرایەبەر، بەڵام سەرچاوەیەک لەناو کێڵگەکەوە بە 964ـی راگەیاند کە هیچ هێرش و دەنگێک نەبیستراوە.

📌 تۆڕی CNN بڵاویکردەوە، گوماندەکرێت ئێران کەرەستەی بۆمبی لە ناو ئەمریکادا کۆگاکردبێت و پلانی بەئامانجگرتنی بەرپرسانی باڵای ئیدارەی ترەمپی بە “بۆمبی پیس” یان چەکی کیمیایی لە واشنتن داڕشتبێت.

📌 جەی دی ڤانس بۆ فۆکس نیوزی: ترەمپ تاوتوێی فشاری سەربازی و دیپلۆماسیی زیاتر بۆ سەر ئێران دەکات.

📌 جەی دی ڤانس جەنگەکە نابێتە ململانێیەکی درێژخایەن و بەرنامە ئەتۆمییەکە و تواناکانی سوپای ئێرانمان لەناوبردووە.

📌 کۆمپانیای فڕۆکەوانیی “یونایتد ئێرلاینز”ـی ئەمریکی، رایگەیاند کە کێشە تەکنیکییەکە چارەسەرکراوە و هیچ کاریگەرییەکی لەسەر گەشتە کارپێکراوەکان نییە.

📌 لە تورکیا شۆفێری پاسێک لە کاتی لێخوڕیندا تووشی جەڵتەی دڵ بوو و پاسەکە بە خۆی و سەرنشینەکانییەوە کەوتە ناو دەریاوە.

📌 شۆفێرەکە و سەرجەم سەرنشینەکان لە خنکان رزگارکران و رەوانەی نەخۆشخانە کران.