لە گوندی تەنگیسەری قەرەداغ ئاگرێك كەوتەوە

ئەحمەد محەمەد – سلێمانی

ئاگرێک لە گوندی تەنگیسەری قەزای قەرەداغ کەوتەوە و نزیکی  50 دۆنم  پوشوپەڵاش و  200 داری بەڕووشی هەڵپروکاندووە و پۆلیسیش بە تۆمەتی هۆکاری دروستبوونی ئاگرەکە کەسێکی دەستگیرکردووە و لێکۆڵینەوەی لەگەڵ دەکەن.

مقەدەم عەبدوڵاحسێن بەڕێوەبەری دارستان و ژینگەی قەرەداغ بە 964ـی وت، ئاگرەکە ئێستا کۆنتڕۆڵ کراوە و خەڵکی گوندەکە خەریکی دروست کردنی قەرەخەرمان بوون و گومان دەکرێت لەوەوە ئاگرەکە سەری هەڵدابێت.

وتیشی، بەهۆی ئاگرەکەوە 50 دۆنم پوشو پاوان و نزیكەی 200 داری بەڕوو كە تەمەنیان لە نێوان 30 بۆ 50 ساڵدایە سووتاون و هاوڵاتییەکیش بە تۆمەتی کە خەریکی دروستکردنی قەرەخەرمان بووەو گومان دەکرێت دەستی هەبووبێت لە کەوتنەوەی ئاگرەکە دەستگیر کراوە و لێکۆڵینەوە لەگەڵیدا بەردەوامە.

پێداچوونەوە: ژێوار خدر