دادگای تاوانەکانی کەرخ سزای بەندکردنی توندی بەسەر کەسێکدا سەپاند

فەرهاد حەسەن

دادگای تاوانەکانی کەرخ سزای بەندکردنی توندی بەسەر کەسێکدا سەپاند کە خۆی بە دادوەر ناساندبوو بەندکردنەکەشی بۆ ماوەی چوار ساڵە.

ئەمڕۆ یەکشەممە، دادگای تاوانەکانی کەرخ سزاکەی سەپاند و لە راگەیەندراوێکی ئەنجومەنی باڵای دادوەریشدا هاتووە، دادگاکە سزای بەندکردنی توندی بۆ ماوەی 4 ساڵ بەسەر کەسێکدا سەپاند کە بە تاوانی خۆناساندن بە پلەیەکی فەرمی گشتی تاوانبار کراوە.

ئاماژەی بەوەشکردووە، تاوانبارەکە خۆی بە دادوەر و فەرمانبەری دەستەی دەستپاکی ناساندووە بە مەبەستی دەستکەوتنی پارە و سزاکەش بەپێی بڕگەکانی بڕیاری ژمارە 160ی ساڵی 1983 بڕگەی یەکەم / 1 و 2 بەسەریدا سەپێنراوە.