تەندروستی عێراق لە داوا یاساییەکانی خۆش بوو

ئەحمەد مستەفا

ئەمڕۆ یەکشەممە، عەبدولحوسێن موسەوی، وەزیری تەندروستی عێراق، رێنمایی دا بە کشانەوە و لێخۆشبوون لەو داوا یاساییە ناوخۆییانەی کە لەلایەن وەزارەتەوە لەسەر بابەتەکانی بڵاوکردنەوە تۆمار کراون.

وەزارەتی تەندروستی لە بەیاننامەیەکدا کە ئاژانسی فەرمیی حکومەت بڵاوی کردووەتەوە دەڵێ، عەبدولحوسێن موسەوی، وەزیری تەندروستی رێنمایی داوە بە کشاندنەوەی سەرجەم ئەو داوا یاساییە ناوخۆییانەی تایبەت بە بابەتەکانی بڵاوکردنەوە لە هۆکارەکانی راگەیاندن بڵاوکراوەتەوە.

ئەو داوا یاساییانە کە وەزارەتی تەندروستی عێراق تۆماری کردبوون، پێشتر لەلایەن وەزارەتەکەوە وەک رێکار لەسەر یەکێک لە بڵاوکراوەکانی راگەیاندن و کەسی نووسەر بوون و وەزارەتەکە پێی وابووە ناحەقییان بەرامبەر کراوە.

بە گوێرەی یاسای ژمارە 15ی ساڵی 2007 لە عێراق و هەرێمی کوردستان، کە ئەرک و دەسەڵاتەکانی وەزارەتەکانی تەندروستی دیاریی کردووە، وەزارەت لە چوارچێوەی کارەکانی خۆیدا رێنمایی و بڕیاری یاسایی بۆ رووبەڕووبوونەوەی کێشە تەندروستییەکان دەردەکات و رێکاریش دەگرێتەبەر.