ئۆتۆمبێلێکی دیکە بە جی پی ئێسەوە دەخنە ناو رووباری گەلی عەلیی بەگ

ئاکام غەفور – سۆران

بڕیارە سبەینێ ئۆتۆمبێلێکی تر فڕێ بدرێتە ناو رووباری گەلی عەلی بەگ بۆ دۆزینەوەی ئەو ئۆتۆمبێلەی لە رووبارەکە بە سێ منداڵەوە ونە.

بەرگری شارستانی و تیمەکان ئەمە وەک تەکنیکێکی دیکە بەکاردەهێنن و ئەو ئۆتۆمبێلەی فڕێی دەدەن هەمان وەزنی ئۆتۆمبێلەکەی ناو رووبارەکەی هەیە و جی پی ئێسی لێ دەبەستن بزانن تا کوێ دەڕوات.

تیمەکان زۆر تەکنیکیان بەکارهێناوە و ئەنجامی نەبووە رووبارەکە درێژە و ئاوەکەی خێرایە ئێستا هیوایان لەسەر فڕێدانی ئەم ئۆتۆمبێلە هەڵچنیوە و سبەیێ تاقی دەکەنەوە.

پێداچوونەوە: توانا نەقی