هەولێر میوانداری کەرخی کردووە
یاریگای فەرنسۆ هەریری پڕبووە و بلیتیش هەرزانە
964+
عەبدولعەزیز خالند – هەولێر
لە گەڕی 32ـی خولی ئەستێرەکانی عێراق ئەم ئێوارە هەولێر لە یاریگای خۆی میوانداری یانەی کەرخی کردووە و بلیتی یاریەکەش هەرزان بووە و تەنیا هەزار دینارە.
یارییەکە بۆ هەولێر چارەنوسسازە لەبەر ئەوەی شورتە بە 32 یاری خاوەنی 67 خاڵە و لە پلەی دووەمی خولەکەدایە و هەولێریش بە 63 خاڵ لە پلەی سێیەمدایە.
عەبدوڵا مستەفا هاندەری یانەی هەولێر بە 964ـی وت، داوا لە هاندەران دەکات کە هیچ شتێک نەکەن لە رووحی ریازی دوور بێت و هەولێریش دەیباتەوە دوو بە یەک، هەروەها دەشڵێت، ئاستی یاریزانەکان زۆر باشن و حەقە گوڵباران بکرێن.
یارییەکە هاندەرێکی زۆری لە یاریگا کۆکردووەتەوە و بلیتی یارییەکانیش پێشتر دوو بۆ سێ هەزار دینار بوو ئێستا بووە بە هەزار دینار.
پێداچوونەوە: توانا نەقی
