حەزیان لە ترالیچەیە
بە ئەنواع کێك و شیرینی بەشداری فێستیڤاڵەکەی خورماڵی کردووە
964+
ئەمەل ناجی
لە فێستیڤاڵی گیا بەهارییەکانی خورماڵ کە ئەمە دووەم رۆژە بەردەوامە چی دڵت ئەیەوێت نمایش کراوە و خاتوونێکی دەست بە سەلیقەش ئەنواع شیرینی داناوە بۆ سەردانیکەران.
مەریەم محەمەد ژنێکی فرۆشیارە لە فێستیڤالەکە و بە 964ـی وت، جۆرەها کێک و شیرینی ئامادە کردووە و لە سنووری سلێمانیش زیاتر حەزیان لە ترالیچەیە کە کێکێی تا رادەیەک تەڕ و نەرمە و تامێکی خۆشی هەیە.
دوێنێ پێنجشەممە 23.4.2026 شەشەمین فێستیڤاڵى گیا بەهارییەکان لە خورماڵ دەستیپێکرد و بۆ ماوەی سێ رۆژ بەردەوام دەبێت.
پێداچوونەوە: توانا نەقی
