کەباب و گۆشت برژان عایدی پیاوانە و شیوەکەش عایدی ژنان
عەبدولعەزیز خالند- هەولێر
هەر وتیان بەهارە، مەڵبەندی کوردان شیرینە و دەشتودەر سەوز دەبێت و هاوڵاتیانیش پەیتا پەیتا دەچنە سەیران بە مەنجەڵە بریانی و دۆڵمە و تشریبەوە و کەشێکی خۆش بەسەردەبەن.
هەینیە و کەشەکەی خۆشە و پەیامنێری 964 لەسەر رێگای مەسیفە و هاوڵاتیان دەدوێنێت، مام حاجیەک چایی خستووەتە سەر دار و دەڵێت، سەیران دار و چاییەکەی تێدا نەبێت تامی نییە و بەهارەکەشی خۆشە، بەڵام لەبەر زەخت و سوکەری ناتوانین خواردن زۆر بخۆین.
پیاوەکان لە سەیران دەبنە شێف و ژنانیش کەمتر کاردەکەن، لەم کەین و بەینە پیاوێک دانیشتووە بە دیار مەنجەڵێک تشریبەوە و دەڵێت، دایکی منداڵان ئیسراحەتە بەڵام قوڕی بەسەری هەفتەی داهاتوو تۆڵەی لێدەکەمەوە.
پێداچوونەوە: پەری ساڵح
