درا بە دادگا
بە بڕیارى وەزیرى تەندروستى دەرمانخانەیەک لە سۆران داخرا
964+
وریا فەتاح
لەسەر بوونى دەرمانى بێ ستیکەر و قاچاخ، بە بڕیارى وەزیرى تەندروستى دەرمانخانەیەکى سۆران داخرا و درا بە دادگا.
بەرێوەبەرایەتی گشتی تەندروستی سۆران بڵاوى کردەوە، دوای سەردانکردنی لیژنەکانی پشکنین و بەدواداچوونی وەزارەتی تەندروستی بۆ دەرمانخانەی سروشتی سۆران، دەرکەوت کە دەرمانی ساختە و بێ ستیکەر و دەرمانی قاچاخ بە هاولاتیان دەفرۆشێت.
وەک باسکراوە، دوای پێشکەشکردنی راپۆرتی لیژنەکە بە وەزیری تەندروستی، بڕیاریى داخستنى دەرمانخانەکەى داوە.
هەر ئەوەشنا، دۆسیەیەکى یاسایى لە دادگاى لێکۆڵینەوەى سۆران، بۆ دەرمانخانەکە کراوەتەوە.