ئاسمانە کڵۆمدراوە دەکرێتەوەوئاسایی بوونەوەی خوێندنیش نزیکە

+964

ژووری هەواڵ

ئاگرو بەڵای شەڕ خەریکە لە کۆڵمان دەبێتەوەو ئیتر ئەم یەک دوو رۆژە هەم ئاسمان دەکرێتەوەو هەم فڕۆکەخانەکان دەکەونەوە کار.

هەر چەند سەعاتێکی کەم پێش ئەوەی شەڕەکە بووەستێت دواهەمین زەبری درۆن وەشێنەکان بۆ هەولێر بوو، بۆ شەشەم جار هێرش کرایە سەر گەڕەکی کارێزانی هەولێر.

وەستانی شەڕەکە یەکسەر بە بازاڕی خۆمانەوە دیار بوو، ئەمڕۆ پەیامێرانی 964 چووبوونە ناوبازاڕ لە هەولێرو سلێمانی و هەڵەبجەو باقی ناوچەکانی تر دەیانوت جموجۆڵ لە رۆژانی دیکە زیاتر بووە.

ئاماژەکان بۆ ئەوە دەچن رۆژی یەکشەممەی داهاتوو دەوامی خوێندن لە هەموو ناوەندەکانی خوێندن و زانکۆو پەیمانگاکان ئاسایی ببێتەوە.