عارەبانە و دەستگێڕەکانی لای مزگەوتی گەورە لە سلێمانی رێکخرانەوە

دیلان محەمەدجەزا – سلێمانی

عارەبانە و دەستگێڕەکانی لای مزگەوتی گەورە لە سلێمانی رێکخرانەوە و ئۆتۆمبێل بە ئاسانی هاموشۆ دەکات.

ئەو شەقامانەی دەورووبەری مزگەوتی گەورە لە رۆژانی پێش جەژنی رەمەزان هێند قەرەباڵغ بوون، ئەگەر دەرزیت هەڵاویشتایە نەدەکەوتە سەر عەرز لەبەر جموجۆڵی زۆری هاوڵاتیان و عارەبانە و دەستگێڕەکان، بۆیە ئۆتۆمبێل نەیدەتوانی هاموشۆ بکات و بەتایبەتیش شەقامی دەبۆکە کە دەچێتەوە سەر جادەی مەولەوی، بەتەواوەتی داخرابوو.

بەبڕیارێکی هاوبەشی قایمقامیەت و شارەوانی سلێمانی دەستگێڕ و عەرەبانچییەکان بەجوانی رێکخراونەتەوە و براونەتە قەراغی شەقامەکان، نزیکەی هەفتەیەکە شەقامی دەبۆکە کراوەتەوە و ئۆتۆمبێڵ بەباشی دەتوانێ هاتوچۆ بکات.

پێداچوونەوە؛ شۆڕش قادری