"ئیشەکە قورسە و بەهەموو ژنێک ناکرێت"
غاز نییە و بەناچاری پەنایان بۆ دار و تەندوور بردەوە
964+
دەریا ئەحمەد – کۆیە
کەمبوونەوە و ئەزمەی غاز وایکردووە بەشێک لە هاوڵاتیان پەنا بۆ دار ببەنەوە و لەرێی تەندوورەوە نان و پێخۆری رۆژانەیان حازر بکەن.
دڵشاد باوەدین و خێزانەکەی چەند ساڵێکە لە گوندی تیمارۆک لە دەشتی کۆیە دەژین، وەک خۆیان دەڵێن، پێشتر بۆ حەزی خۆیان نانیان بە تەنور و دار دروست دەکرد بەڵام ئێستا بە ناچاری و بۆ هەموو ژەمەکان خواردن و پێخۆریان بە سووتاندنی دار ئامادە دەکەن.
مام دڵشاد دەڵێت، “ئیشەکە قورسە و بەهەموو ژنێک ناکرێت، لەگەڵ ئەوەشدا دار بۆ سووتاندن کەمە و بە زەحمەت دەست دەکەوێت.
هاوشێوەی ناوچەکانی دیکەی کوردستان لە قەزای کۆیەش قەیرانی غاز سەریهەڵداوە و لە 10 رۆژی رابردوو دا تەنیا سێ تانکەری غاز بۆ هەردوو کارگەی غازی شارەکە رۆیشتووە کە بڕێکی زۆر کەمە و بەشی زیاتر لە دوو هەزار ماڵی قەزاکە ناکات.
پێداچوونەوە؛ شۆڕش قادری
وەکیلەکانی غاز لە هەولێر گردبوونەوە و داوای زیادکردنی بەشە غازیان کرد
