دیمەنێک لە ئاسمانەوە قەزای سەیدسادق نیشان دەدات _ وێنە: ئەرشیف
فشار لەسەر کارەبای سەیدسادق کەمدەکرێتەوە
میدیازان – كوردستان ئەحمەد – هەولێر
دوو فیدەری كارهبا بە تێچووی نزیکەی 300 ملیۆن دینار له سهیدسادق جێبهجێ دهكرێن، بەمەبەستی کەمکردنەوەی فشار لەسەر کارەبای نیشتیمانی، بە قسەی بەرپرسانی کارەبای قەزاکە.
ئاسۆ ئەحمەد بەڕێوەبەری بەڕێوەبەرایەتی كارەبای سەیدسادق بە میدیازانی راگەیاند، دوو فیدەرەکە لە ماوەی ٩٠ رۆژدا دروست دەکرێن، فشاری کارەبا لەسەر ناو سەیدسادق و گوندەکانی دەورەبەری کەمدەکاتەوە، هەردوکیان لەلایەن كۆمپانیای پەرەژاڵەوە دروستدەكرێن.
فیدەر بۆ دابەشکردنی کارەبا بەکاردێت، بەهۆیەوە هێڵەکانی گواستەنەوەی کارەبا جیادەکرێنەوە.
سەیدسادق لە ناوەڕاستی وەرزی سەرماوسۆڵەدا پێویستی بە ٥٥ مێگاوات كارەبا هەیە و لە ناوەڕاستی وەرزی گەرماشدا پێویستی بە ٢٧ مێگاوات كارەبا هەیە، بە قسەی بەڕێوەبەرایەتی قەزاکە.