کاسبکاران بۆ 964 قسە دەکەن
جەنگ چ کاریگەرییەکی لەسەر بازاڕ هەبووە؟
ئەحمەد شەمزین – هەولێر
کاسبکارانی بازاڕی هەولێر کۆکن لەسەر ئەوەی، ئەو جەنگەی ئێستا لە نێوان ئەمریکا و ئیسرائیل و ئێران لەئارادایە، کاریگەرییەکی خراپی کردووەتە سەر بازاڕ و کاسبکاران.
ژمارەیەک کاسبکاری جیاجیای هەولێر بۆ 964 قسەیان کرد و روونیانکردەوە، کە جەنگ و بەرزبوونەوەی نرخی دۆلار، کاریگەری خراپی لەسەر بازاڕ کردووە.
ئاماژەیان بەوەش کرد، بەهۆی کاریگەری و نادیاریی چارەنووسی جەنگەکە، خەڵک زۆرینەیان تەنیا پێداویستییەکانی رۆژانی رەمەزان و جەژن دەکڕن و دەستیان بە پارەوە گرتووە و زیادە مەسروف ناکەن.
ماوەی 12 رۆژە شەڕێکی قورس لە نێوان ئەمریکا و ئیسرائیل و ئێران هەڵگیرساوە و مەترسی بۆ سەر هەرێمی کوردستانیش هەیە، هەروەها کاریگەری بەسەر تەواوی رۆژهەڵاتی ناوەڕاست و وڵاتانی ناوچەکەدا هەیە.
پێداچوونەوە: ئەرسەلان عەبدوڵا