كوژراو و بریندار هەیە
هێرش كرایەسەر سنووری دێگەڵە
964+
دەریا ئەحمەد
بەڕێوەبەری ناحیەی دێگەڵە سۆران حەوێزی بە 964ی راگەیاند، هێرش كرایەسەر بارەگایەكی حزبە كوردییە ئۆپۆزیسیۆنەكانی ئێران لە هەرێمی كوردستان و بەهۆیەوە كوژراوێك و بریندارێك هەیە.
سۆران حەوێزی وتی، پێش نیوەڕۆی ئەمڕۆ هێرش کراوەتە سەر بارەگای پارتی ئازادیی کوردستان لە سنوری ناحیەی دێگەڵە و لە ئەنجامی بۆردومانەکەشدا كوژراوێك و بریندارێک هەیە.
وتیشی، هێرشەکە درۆن نەبووە بەڵکو لە رێگەی سێ موشەکەوە ئەنجامدراوە و بارەگای پارتی ئازادی کوردستانی پێکاوە.
هاوكات دوێنێش هێرش كرایەسەر سنووری دێگەڵە و كۆیە و كەمپی ئاوارەكان و بارەگای حزبی دیموكراتی كوردستان كرایە ئامانج.
پێداچوونەوە: ئەرسەلان عەبدوڵا
