کێشەیەک هەیە
لە سلێمانى دەنگى مۆلیدە ئەهلییەکان بیسترا؛ شارەکە رووناک دەکەنەوە
964+
دیلان محەمەدجەزا- سلێمانى
جارێکى تر دەنگى مۆلیدە ئەهلییەکان و شارى سلێمانى بەیەکترى شادبوونەوە و ئەمشەو زۆربەى گەڕەکەکان بە کارەباى کۆلیدە، رووناک بوونەوە.
هەرچەندە ئێوارەى ئەمڕۆ لە کۆبوونەوەیەکدا کە لە نێوان نوێنەرى مۆلیدە ئەهلییەکان و قائیمقامى سلێمانى بەڕێوەچوو، بڕیاردرا لەمشەوەوە کارەبا بدەن بە هاوڵاتیان، بەڵام هێشتا ژمارەیەک کۆلیدە دەستیان بە کارکردن نەکردووەتەوە.
خاوەن مۆلیدەیەک بۆ 964 قسەى کردووە و دەڵێت: کێشەیەکمان هەیە و نازانین چۆن پارەکە وەربگرین، چونکە هیچ پسوڵەیەکمان نییە و بەشێک لە خەڵکیش کە دەچین داواى پارەیان لێدەکەین دەڵێن مۆلیدەمان ناوێت.
بەوتەى ئەو خاوەن مۆلیدەیە، ئەمشەو مۆلیدەکانیان پێدەکەن و کارەبا دەدەن بە هاوڵاتیان.
