بەهۆی راگیرانی گەشتە ئاسمانییەکان گیریانخواردبوو

9000 عومرەکاری ئێرانی لەڕێی عێراقەوە دەگەڕێنەوە

11:48

964+

شۆڕش قادری

9000 عومرەکاری ئێرانی کە بەهۆی راگیرانی گەشتە ئاسمانییەکان گیریانخواردبوو، لەڕێی مەرزەکانی عێراقەوە دەگەڕێندرێنەوە وڵاتەکەی خۆیان.

ئاژانسی هەوڵی مێهر لەزاری باڵیۆزی ئێران لە ریاز بڵاویکردووەتەوە، بەهۆی گرژییەکان و راگیرانی گەشتە ئاسمانییەکان 9000 عومرەکاری ئێرانی لە سعودیە گیریانخواردووە، پڕۆسەی گەڕاندنەوەیان لەڕێی وشکانی و مەرزەکانی عێراقەوە دەستیپێکردووە و بەمزووانە دەگەڕێنەوە وڵاتەکەیان.

دوای سەرهەڵدانی شەڕی نێوان ئێران و ئیسرائیل و ئەمریکا لە رۆژی شەممەوە 28.2.2026 وڵاتانی ناوچەکە گەشتە ئاسمانییەکانیان راگرت و بەهەزاران عومرەکار لە سعودیە گیریانخوارد، لە چەند رۆژی رابردووشدا 200 عومرەکاری کوردستان بەناچاری لەڕێی وشکانییەوە گەڕێندرانەوە.