عەباس عێراقچی وەزیری دەرەوەی ئێران و فوئاد حسێن وەزیری درەوەی عێراق لە کۆنگرەیەکی رۆژنامەوانیدا - وێنە؛ ئەرشیف
بەتەلەفۆن
عەباس عێراقچی و فوئاد حسێن لەبارەی دانوستانە ئەتۆمییەکان قسەیان کرد
964+
شۆڕش قادری
وەزیرانی دەرەوەی ئێران و عێراق بە تەلەفۆن قسەیان کرد و باسی دانوستانە ئەتۆمییەکانی نێوان تاران و واشنتۆنیان کرد.
ئاژانسی هەواڵی ئیرنا بڵاویکردەوە، ئەمڕۆ هەینی 27.2.2026 فوئاد حسێن وەزیری دەرەوەی عێراق و عەباس عێراقچی وەزیری دەرەوەی ئێران پەیوەندییەکی تەلەفۆنیان ئەنجامداوە و سەبارەت بە دواین پێشهاتەکان و گۆڕانکارییە ناوچەیی و نێودەوڵەتییەکان قسەیان کردووە.
ئاماژە بەوەشکراوە، عێراقچی چۆنیەتی بەرەوپێشچوونی گفتوگۆکانی نێوان ئێران و ئەمریکای بۆ فوئاد حسێن باس کردووە و جەختی لە گرنگی لێکنزیکبوونەوەی وڵاتانی ناوچەکەی کردووە بۆ پاراستنی ئاسایش و سەقامگیری.
دوێنێ پێنجشەممە 26.2.2026 گەڕی سێیەمی دانوستانەکانی ئەمریکا و ئێران بۆ گەیشتن بە رێککەوتنی نوێ بەڕێوەچووە و بڕیارە هەفتەی داهاتووش جارێکی دیکە کۆببنەوە.
دانوستانەکەی ئێران و ئەمریکا بۆ هەفتەی هەڵگیرا
