باندێکی دزی لە رانیە دەستگیر کران – وێنە؛ پۆلیسی راپەڕین
"نەوجەوانن"
باندێکی دزی لە رانیە دەستگیر کران؛ ماتۆڕدز بوون
964+
شۆڕش قادری
لە رانیە باندێکی دزی دەستگیر کران کە سێ کەسن و بەدزینی ماتۆڕسکیل و فرۆشتنەوەیان کەسابەتیان کردووە.
بەپێی راگەیەنراوێکی بەڕێوەبەرایەتی پۆلیسی راپەڕین، دوو هاوڵاتی چوونەتە نووسینگەی پۆلیسی نەهێشتنی تاوانی رانیه و سکاڵایان تۆمار کردووە لەسەر ئەوەی کە لە چەند شوێنێك و لە کاتی جیاوازدا، لەناو شاری رانیە / بــەرامــبــەر بــازاڕی مــیــوە فــرۆشان و لە گــەڕەکــی کــێوەڕەش و چەند شوێنێکی تر ماتۆڕســڪـیـلـی دوو تایەی ئــێـرانــییـان لێدزراوە.
دوای لێڪۆڵینەوە و بەدواداچوونی ورد و بەدەستهێنانی زانیاری، هێزەکانی نووسینگەی نـەهێشتنی تاوان لە رانـــیــە توانیویانە سێ تۆمەتبار بەناوەکانی (ئ. ع . ش) و (د . د .م) و(ب . هـ . م) بدۆزنەوە کە هەموویان لە رەگەزى نێرن و نەوجەوانن.
پۆلیسی راپەڕین دەڵێت، تۆمەتـباران لەبەردەم پۆلیــس و دادوەرـدا دانیان ناوە بەتاوانەکەیاندا و وتوویانە، چوار ماتۆڕسکیلیان دزیوە و فرۆشتوویانن، کە دوو لە ماتۆڕەکان هی سکاڵاکارەکانن.
تۆمەتباران بە بڕیاری دادوەر و بــەپـێـی مــاددەی 443 و 446 لــە یــاســایــ ســزادانی عــێــراقــی راگیراون و لــێــکۆڵــیـنــەوە لەگەڵیان بەردەوامە.
لە رانیە سێ تۆمەتبار لەسەر دزی دەستگیر کران
