خوێندکارانى ژاپۆرن نزا دەکەن
قیبلەى خوێندکارانى ژاپۆن
لەسەر تەختە دار دەینووسن؛ نزای خوێندکارانی ژاپۆن بۆ نمرەی بەرز
964+
وریا فەتاح
لەگەڵ دەستپێکردنی تاقیکردنەوەکانی چوونە زانکۆ، پەرستگای “یوشیما تێنمانگۆ” لە تۆکیۆ دەبێتە قیبلەنمای خوێندکارانی ژاپۆن، بەڵام ئەمجارە نەک بۆ خوێندن، بەڵکو بۆ نزا و نووسینی ئاواتەکان.
بەپێى نەریتەکە، خوێندکاران و دایک و باوکانیان، نزا و ئاواتەکانیان بۆ بەدەستهێنانی نمرەی بەرز و سەرکەوتن لە تاقیکردنەوەکان، لەسەر تەختەیەکی دارین دەنووسن و لە حەوشەی پەرستگاکە هەڵیدەواسن.
ئەم پەرستگایە لە تۆکیۆ بەوە ناسراوە کە تایبەتە بە “خوداوەندی زانیاری و فێربوون”، بۆیە لەم وەرزەدا لە هەموو کاتێک قەرەباڵغترە.
ژاپۆنییەکان ئەم کارە وەک جۆرێک لە وەفا و پاڵپشتی دەروونی بۆ خوێندکاران دەبینن، تاوەکو بە وزەیەکی پۆزەتیڤەوە بچنە ناو هۆڵەکانی تاقیکردنەوە.
ئەم دیمەنە ساڵانە لەگەڵ دەستپێکردنی وەرزی تاقیکردنەوەکان دووبارە دەبێتەوە و هەزاران تەختەی دارین بە دیوارەکانی پەرستگاکەوە دەبینرێن.
فۆتۆ: AFP
