منداڵێکیش بریندارە
ئۆتۆمبێلێک وەگەڕا و سێ کەس گیانیان لەدەستدا
964+
میلاد جەلال – گەرمیان
لە بەرامبەر گوندی بیرکێی قەزای دەربەندیخان ئۆتۆمبێلێک وەرگەڕا و کەوتە گۆمێکی ئاوەوە، بەهۆیەوە سێ کەس گیانیان لەدەستدا و کەسێکی دیکەش برینداربوو.
سەرچاوەیەک لە هاتوچۆی دەربەندیخان بە 964ـی وت، چوار کەس لەناو ئۆتۆمبێلەکەدا بوون کە دوو ژن، پیاوێک و منداڵێکی چوار ساڵان بوون، دوو ژن و پیاوەکە گیانیان لەدەستداوە و منداڵەکە بە سووکی بریندار بووە.
ئاماژەی بەوەشکرد، ئەو کەسانەی لەناو ئۆتۆمبێلەکە بوون، هەموویان خەڵکی کەلارن.
بەپێی زانیارییەکانی 964 ئەو سێ کەسەی گیانیان لەدەستداوە، ژن و پیاوێکن کە ھاوسەری یەکترن، لەگەڵ خوشکی پیاوەکە، منداڵەکەش هی ئەو ژن و پیاوەیە و پێش ئەوەی بکەونە ناو گۆمە ئاوەکە، منداڵەکە لە جامی ئۆتۆمبێلەکەوە دەرچووە.
پێداچوونەوە؛ ژێوار خدر
