وێنە- پەیچی وەزارەتی کشتوکاڵ
وەزارەتی کشتوکاڵ بازاڕ دەدۆزێتەوە بۆ بەرهەمی ناوخۆیی
964+
توانا نەقی
وەزارەتی کشتوکاڵ و سەرچاوەکانی ئاوی حکومەتی هەرێم، بەدوای دۆزینەوەی بازاڕدایە بۆ پەرەپێدانی بەرهەمی ناوخۆیی بۆ جوتیاران.
لاپەڕەی فەرمی وەزارەتی کشتوکاڵ بڵاویکردەوە دوێنێ پێنجشەممە 9.3.2023 وەزیری کوشتوکاڵ و سەرچاوەکانی ئاو لەگەڵ سەرۆک و ئەندامانی لیژنەی کشتوکاڵ و ئاودێری پەرلەمانی عێراق و لیژنەی کشتوکاڵ لە پەرلەمانی کوردستان کۆبووەوە.
لە کۆبوونەوەکەدا یاداشتێک خرایەروو بۆ پاراستن و دابینکردنی ئاسایشی خۆراک و پاڵپشتی چۆنیەتی دۆزینەوەی بازاڕ بۆ بەرهەمی ناوخۆیی بۆ جوتیاران و باشتر بەڕێوەبردنی سەرچاوە ئاوییەکان.
لە هەرێمی کوردستان جوتیاران پێویستیان بە بەزارێکە بۆ ساغکردنەوەی بەرهەمەکانیان، بۆیە لە کۆبوونەوەکەدا جەخت لەسەر هاوکاریکردنی جوتیاران و ساغکردنەوەی بەرهەمەکانیان کراوە.
بێگەرد تاڵەبانی وەزیری کشتوکاڵ و سەرچاوەکانی ئاو رایگەیاند، ئەم جۆرە کۆبوونەوانە زۆر پێویستن و لێکتێگەشتنی بەرچاو هەبووە بۆ چارەسەرکردنی کێشەکانی کشتوکاڵ و ئاودێری لەسەر ئاستی عێراق و هەرێمی کورستان.