“پارەی هاوپەیمانان گەیشت”؛ شەممە دابەش دەکرێت

وەزارەتی پێشمەرگە رایگەیاند، پارەی هاوکاریی هێزەکانی هاوپەیمانان بۆ مانگی 1ـى 2026 گەیشتووەتە سەر هەژماری وەزارەت و رێکارەکان تەواو بوون.

بەڕێوەبەرایەتیی بودجە و بەرنامەکان (ژمێریاریی سەربازی) رایگەیاند، دوای تەواوکردنی رێکارە دارایی و ژمێریارییەکان، رۆژی شەممە 14.2.2026 دەست بە دابەشکردنی پارەکە دەکرێت.

ئەم هاوکارییە تایبەتە بە مانگی رابردوو و بەسەر لیوا هاوبەشەکانی وەزارەتی پێشمەرگەدا دابەش دەکرێت.