دوای نوێژی هەینی بەسەدان کەس لەناو بازاڕ گردبوونەوە
لە کەلار خۆپیشاندانی بەرفراوان بۆ پاڵپشتی رۆژئاوای کوردستان بەڕێوەچوو
964+
میلاد جەلال – گەرمیان
ئەمڕۆ گردبوونەوە و ناڕەزایەتییەکی بەرفراوان بۆ پشتگیری لە کوردانی رۆژئاوای کوردستان لە کەلار بەڕێوەچوو.
دوای نوێژی هەینی سەدان کەس هاتنە ناو بازاڕی کەلار و دژی هێرشەکانی سوپای تورکیا و گروپە چەکدارەکان بۆ سەر ناوچەکانی رۆژئاوای کوردستان دروشمیان وتەوە.
بەشێک لە خۆپیشاندەران قسەیان بۆ 964 کردووە و دەڵێن، خۆشحاڵین کە لە چەند رۆژی رابردوودا لە هەموو شار و شارۆچکەکانی کوردستان، گردبوونەوە و کەمپەین بۆ هاوکاری کوردانی رۆژئاوا بەڕێوەچووە.
پێداچوونەوە؛ شۆڕش قادری
