تێکشکاندنی دوو تانک؛
هەسەدە هێرشێکی بەرفراوانی بۆ سەر بەنداوی تشرین پووچەڵ کردەوە
964+
وریا فەتاح
ئەمڕۆ یەکشەممە 18-01-2026، هێزەکانی سووریای دیموکرات (هەسەدە) و یەکینەکانی پاراستنی ژن (یەپەژە) توانییان هێرشێکی چەکدارانی “حکومەتی کاتی” لە دەوروبەری بەنداوی تشرین لە کانتۆنی فورات تێکبشکێنن و رێگری لە پێشڕەوییەکانیان بکەن
.
بەپێی زانیارییەکانی ناوەندی راگەیاندنی هێزەکانى سوریا دیموکرات، چەکدارەکان دوای هێنانە پێشەوەی ژمارەیەک تانک بۆ دەوروبەری بەنداوەکە، ئامادەکارییان بۆ هێرشێکی نوێ دەکرد، بەڵام لەلایەن شەڕڤانانی هەسەدە و یەپەژەوە رووبەڕووی وەڵامدانەوەیەکی توند بوونەوە.
لەو پێکدادانانەدا، هەسەدە چەکی مامناوەند و فڕۆکەی بێفڕۆکەوانی خۆکوژی بەکارهێناوە، کە لە ئەنجامدا توانیویانە دوو تانک و زرێپۆشێکی هێرشبەرەکان تێکبشکێنن.
تا ئێستاش پێکدادانەکان لە ناوچەکە بەردەوامن و هێزەکانی هەسەدە و یەپەژە لە حاڵەتی بەرگریی تونددان بۆ پاراستنی بەنداوەکە و ڕێگریکردن لە هەر پێشڕەوییەکی دیکە.
