بۆرییە دڵ ناسکەکەی هەولێر ئەمجارەش پینە کرایەوە

شۆڕش قادری

بۆری دڵ ناسکەکەی هەولێر ئەمجارەش پینە کرایەوە کە دوێنێ شکابوو، درەنگانی شەوی رابردوو تیمەکان تا چاکیان نەکردەوە، نەخەوتن.

“دوای شکانی بۆڕی هێلی گوێزەرەوەی ئاوی ئیفراز 3 لە جۆری GRP لە رۆژی یەكشەممە 11.1.2026 دەستبەجێ تیمەکانی بەڕێوەبەرایەتی ئاوی هەولێر گەیشتنە شوێنەکە و لەدرەنگانی شەو بۆرییەکە چاککرایەوە”، بەڕێوەبەرایەتی ئاوی هەولێر لە راگەیەنراوێکدا وادەڵێت.

ئاماژە بەوەشکراوە، لەئێستادا ئاو بەئاڕاستەی عەمبارەکان رەوانە دەکرێت و چاوەڕوان دەکرێت پاشنیوەڕۆی ئەمڕۆ دووشەممە 12.1.2026 ئاو قۆناغ بە قۆناغ بگاتەوە ئەو هاوڵاتییانەی کە بەهۆی شکانی بۆرییەکەوە بێ ئاو بوون.