مەولەوی لە ساڵڕۆژی ئازادی سلێمانی دەرکەوتەوە
964+
دیلان محەمەد جەزا – سلێمانی
دوای 182 رۆژ، نۆژەنکردنەوەی دەروازەی مەولەوی لەگەڵ ساڵڕۆژی ئازادی سلێمانی دەکرێتەوە.
کاتژمێر 10:30 خولەکی بەیانی ئەمڕۆ سێشەممە، دەروازەی شەقامی مەولەوی لەلایەن دوکاندارانی شەقامەکە کرایەوە.
دەروازەی مەولەوی، مانگی تشرینی یەکەمی 2022 دەستکرا بە نۆژەنکردنەوەی و بڕیار بوو پێش کۆتایی هاتنی ساڵ کارەکانی تەواو ببێت، بەڵام 65 رۆژ بەسەر وادەکەی تێپەڕیوە و ئینجا تەواو بووە.
کردنەوەی دەروازەکە لە ئەمڕۆدا، هاوکاتی یادی راپەڕینی شاری سلێمانییە.
لە نۆژەنکردنەوەکەدا نزیکەی 10 هەزار بەرد بەکارهاتووە، کە بەردی گوندی باخە کۆنی ھەورامانە.
پێداچوونەوە: فەرمان سادق