پەرلەمان مەرجەکانی خۆپاڵاوتنی بۆ سەرۆککۆماری عێراق راگەیاند

964+

توانا نەقی

ئەنجومەنی نوێنەرانی عێراق مەرجەکانی خۆپالاوتنی بۆ بوون بە سەرۆککۆماری عێراقی بڵاوکردەوە و پشت بەست بە مادەکانی دوو و سێ لە یاسای ژمارە هەشتی ساڵی 2012.

لە ڕاگەیەندراوەکە پەرلەمانی عێراق هاتووە، ئەوانەی دەیانەوێت خۆیان کاندید بکەن و ئەو مەرجەکانیان تێدایە پێویستە داواکاری نووسراوی خۆیان، لەگەڵ بەڵگەنامەی فەرمی ئەسڵی کە شایستەیی خۆیان و و سیڤیەکان پێشکەشی سەرۆکایەتی پەرلەمان بکەن.

ئاماژە بەوەشکراوە، ئەو بەڵگەنامانە لە کاتی دەوامی فەرمی لە کاتژمێر 9:00ـی بەیانی تاوەکو 3:00ـی پاش نیوەڕۆ وەردەگیرێن لە هۆڵی کۆبوونەوەکان لە رۆژی 31.12 و 4 و 5ـی ،امگی یەکی 2026.

مەرجەکانی خۆپاڵاوتن پێکهاتوون لە:

– هاوڵاتی عێراقی بێت بە لادیکبوون و هەروەها لە دایک و باوکی عێراقیش لەدایک بووبێت.

– تەمەنی لە 40 ساڵ کەمتر نەبێت.

– ناوبانگی باش بێت لە ئەزموونی سیاسی و بە دەستپاکی و ڕاستگۆیی و دادپەروەری و دڵسۆزی بۆ میللەت بناسرێت.

– خاوەنی بڕوانامەی بەکالۆریۆس بەلایەنی کەمەوە بێت کە لەلایەن وەزارەتی خوێندنی باڵا و توێژینەوەی زانستی لە عێراق دانپێدانراوە.

– بە تاوانێک سزا نەدرابێت کە تۆمەتی ئەخلاقی تیادا بێت.

– پەیوەندی بە رژێمی پێشووەوە نەبێت