بۆ دوور بوون لە ئاگر
شەوان چاودێری بازاڕی لەنگەی هەولێر دەکرێت
964+
توانا نەقی
چەند جارێک ئاگر لە بازاڕی لەنگەی هەولێر کەوتووەتەوە و زیانی زۆر بەر کاسباکاران کەوتووە، ئێستا ئەو رێکارانەی پێیان وتراوە شارەوانی بە بەردەوام چاودێری دەکات و دەبێت جێبەجێی بکەن.
سەرۆکایەتی شارەوانی هەولێر بڵاویکردەوە، ئەمشەو لەلایەن تیمەکانیان لە بەڕێوەبەرایەتی شارەوانی چوار، بەدواداچوون کرا بۆ بازاڕی لەنگەو پابەندبوونی کاسبکاران و دوکانداران به بردنە ژوورەوەی کەل و پەلەکانیان و هەڵنەواسینی پەردە.
پێشتر وەک رێکارێک پێیان وتراوە کەلوپەلەکانیان دەبێت ببەنە ژوورەوە و پەردەش هەڵنەواسن کە ئەوانە خوانەکردە ئەگەر ئاگر کەوتەوە هۆکارێکن بۆ تەشەنەسەندنی یان خودی ئاگرەکە.
رۆژی 8.4.2024 ئاگرێک لە بازاڕی لەنگەی هەولێر کەوتەوە و بە هۆیەوە 41 دوکان بەتەواوی سووتان مانگێک پێش ئەو بەروارەش لەنگە سووتابوو بە زیانێکی زۆرەوە کە ئەو کات ئاماژە بەوەکرا 185 دوکان سووتاون و زیانی مادییان کردووە.
ئێشتا بۆ دووبارە نەبوونەوەی ئەو حاڵەتانە نابێت هیچ دوکاندارێک پەردە بەکار نهێنێت و شەوانیش کەلوپەل لە دەرەوە بەجێنەهێڵن.
