ڤیدیۆکانی بوون بە ترێند
مامۆستا کوردەکەی کەرکوک خەڵات کرا
964+
شۆڕش قادری
ئەو مامۆستا کوردەی کەرکوک خەڵاتکرا کە لە رۆژی ئاڵای کوردستان بە حەماسەوە سرودی نیشتمانی بە قوتابییەکانی دەوتەوە.
17ـی ئەم مانگە و لە رۆژی ئاڵای کوردستان، لە قوتابخانەی خانزادی بنەڕەتی لە کەرکوک، مامۆستایەکی ژن بەناوی ئامەد محەمەد بە جلی کوردییەوە و بە حەماسێکی زۆرەوە سرودی نیشتمانی بە قوتابییەکانی وتەوە، دواتر ڤیدیۆکانی لە تۆڕە کۆمەڵایەتییەکان بڵاوبوونەوە و بوون بە ترێند.
ئەمڕۆ د. ئالان حەمە سەعید وەزیری پەروەردەی حکومەتی هەرێمی کوردستان چووە قوتابخانە و چەپکە گوڵی رێزلێنانی پێشکەشی مامۆستاکە و قوتابخانەکەی کرد.