دیوانییە
رووداوێکى قورسى هاتوچۆ 20 گیانلەدەستدان و بریندارى لێکەوتەوە
964+
وریا فەتاح
بەیانی ئەمڕۆ یەکشەممە، بەهۆی تەمومژێکی چڕ، رووداوێکی هاتوچۆی قورس لەسەر رێگای خێرای نێودەوڵەتی لە سنووری قەزای عەفەک لە پارێزگای دیوانیە روویدا.
شەش گیانلەدەستدان و 14 بریندارى لێکەوتووەتەوە
سەرچاوەیەکی ئەمنی بە 964ـی راگەیاند، ئۆتۆمبێلێکی جۆری “کیا” لە پەنای رێگاکەوە هاتووەتە ناو شەقامە سەرەکییەکە و کێشاویەتی بە بارهەڵگرێکدا، بەهۆی تەمومژیشەوە نزیکەی 10 ئۆتۆمبێلی جۆراوجۆر، بەیەکیانداداوە.
بەپێی زانیارییە سەرەتاییەکان، زیاتر لە 20 کەس بوونەتە قوربانی (گیانلەدەستدان و برینداربوون)، خەڵکی ناوچەکە تەرمی 4 کەسیان دەرهێناوە، تیمەکانی بەرگری شارستانیش خەریکی دەرهێنانی تەرمی 2 کەسی دیکەن کە لەناو ئۆتۆمبێلە تێکشکاوەکاندا گیریان خواردووە.
بەهۆی رووداوەکەوە رێگاکە بە تەواوی داخراوە، گرتە ڤیدیۆییەکان نیشانی دەدەن کە بەهۆی تەمومژەوە مەوداى بینین زۆر کەم بووە و ئۆتۆمبێلەکان بە سەختی تێکشکاون.
