باراناو وا خەریکە پێ بە خانوویەکی هەیکەل لێژ دەکات

ئەحمەد محەمەد – سلێمانی

ساڵانێكە لەگەڵ بارینی هەر بارانێك، مەترسی بۆ خانووەكانی سەر رێڕەوی ئاوەڕۆكەی خەلیفاوا دروست دەبێت و هەیكەلێكی سەر رێڕەوەكەش لە لێواری رووخاندایە.

ئەو هەیکەلە هی حاجی تاڵیبە.

لەسەر مەترسی رووخانی هەیكەلەكە، حاجی تالیب موشیر، كەخاوەنەكەیەتی قسەی بۆ 964 كردووە و وتی، مەترسییەكی زۆر لەسەر رووخانی هەیكەلەكەم هەیە و ئاوەڕۆكە بەشێكیشی لەگەڵ خۆی بردووە، لەگەڵ هەر بارانێك زیاتر بنكۆڵ دەبێت و مەترسی زیاتر دەكەویتەسەر و ئەگەری رووخانی هەیە.

وتیشی، جگە لە نرخی زەوییەكەی، تەنیا هەیكەلەكەم 150 وەرەقەی تێچووە، كاتی خۆی لە ساڵی 2008 رێگەیان پێداین خانووی لەسەر دروست بكەین و گوندەكەمان ئاوەدان بكەینەوە، ئێمەش لەسەر زەوییەكەی خۆمان خانووەكانمان دروست كردووە و ئێستا كە ئاوا زەرەرمەند بووین بانگ كراوین و پێیان وتووین قەرەبوو دەكرێینەوە.

ئاماژەی بەوەشكرد، داوا دەكەین كە ئەو ئاوەڕۆ سندوقییە تەواو بكرێت و تاوەكو چارەنوسی خانوەكانمان یەكلابكەینەوە.

ئەو ئاوەڕۆیە ماوەی زیاتر لە 16ساڵە مەترسی بۆ ئەو خانووانە دروست كردووە، كە دەكەونە سەر رێڕەوەكەی و هەر ساڵە و بەشێكی رێگاكە رادەماڵێت، زستانان مەترسی لەسەر ژیانیان و هاوینانیش بۆنەكەی دانیشتووانی خەلیفاوا هەراسان دەكات.

پێداچوونەوە: ئەحمەد مستەفا