سۆراغی 964: عەرەب نین
دوو سەرنشینەکەی رووداوی تونێلی پیرمام کوردن
964+
دەشتی عارف – هەولێر
بەپێی بەدواداچوونی 964، ئەو دوو سەرنشینەی لەناو تونێلی پیرمام، تووشی رووداوی هاتوچۆ بوون هەردووکیان کوردن و خەڵکی سنووری پارێزگای هەولێرن، ئەمەش دوای ئەوەی کە وا بڵاوکرایەوە کە ئەم دوو کەسە بە رەگەز عەرەب بن.
پەیامنێری 964 لە نزیک تونێلەکە قسەدەکات و لەسەرچاوە باوەڕپێکراوەکانیشەوە رەگەزی دوو سەرنشینەکەی پشتڕاستکردوەتەوە.
پێشتر شاخەوان سەعید، وتەبێژی بەرگری شارستانی هەولێر رایگەیاندبوو، ئۆتۆمبێلەکە لە جۆری ئەلێنترا بووە و وەرگەڕاوە، بەهۆی ئەوەی سیستمی سوتەمەنییەکەی غاز بووە ئاگری گرتووە و هەر لەوێشدا سەرنشینەکان سووتاون دانەیەک لە شوێنی رووداوەکە گیانی لەدەستداوە و ئەوەی دیکەشیان بەڕێکراوە بۆ نەخۆشخانەی پیرمام.
کامەران مەلا عومەر، بەڕێوەبەری نەخۆشخانەی پیرمام بۆ 964 ئاشکرای کرد، ئەو دوو کەسە بران و یەکێکیان تەمەنی 18 ساڵ بووە بە برینداری گەیەندراوەتە لایان، بەڵام تەرمی براکەی دیکە نەگەیەنراوەتە نەخۆشخانەکەی ئەوان.
بەهۆی رووداوەکەوە لە کاتژمێر 11:15ـەوە بۆ ماوەی 45 خولەک هاتووچۆ لە تونێلەکە وەستا بوو.
پێداچوونەوە : فەرهاد حەسەن
بە رووداوی هاتوچۆ کەسێک گیانی لەدەست دا و دووی دیکەش بریندار بوون
