دوو کەس گیانیان لەدەستدا و سێ کەسیش بریندار بوون
رووداوە سەختەکەی بەحرکە پرسەی بۆ دوو خێزان دروستکرد
964+
ئەحمەد شەمزین – هەولێر
بە هۆی رووداوێکی سەختی هاتوچۆوە لەسەر شەقامی سەرەکی بەحرکەی سەر بە هەولێر دوو کەس گیانیان لەدەستدا و سێ کەسیش بریندار بوون.
رووداوەکە کاتژمێر 6:30ـى خولەکی ئێوارەی ئەمڕۆ لە نێوان ئۆتۆمبێلێکە جۆری نیسان و لاندگرۆزەرێک روویداوە.
د. ئارام عەلی بەرێوەبەری پەیمانگای پزیشكی دادی هەولێر بۆ 964 ی پشتڕاسکردەوە کە دوو تەرمی ئەم رووداوە لە پزیشكی دادی بەرێكراون بۆ مزگەوتی گرد جۆتیار.
بە قسەی شایەتحاڵەکان لەناو ئۆتۆمبێلی نیسانەکە سێ کەس هەبووە دووانیان گیانیان لەدەستداوە و سێیەمیشیان بریندارە لەناو ئۆتۆمبێلی لاندگرۆزەرەکەش دوو هاوڵاتی بریندار بوونە.
پێداچوونەوە؛ فەرهاد حەسەن