“غازێکی زۆر بەردەستە لە کارگەکان و هەموو رۆژێک دابەش دەکرێت”

شۆڕش قادری

هاوڵاتیانی سنووری پارێزگای هەڵەبجە، خەمی کەمی غازتان نەبێ، خەزانی کارگەکان پڕن و هەموو رۆژێک غاز دابەش دەکرێت.

لیژنەی سووتەمەنی قایمقامیەتی قەزای مەڵبەندی هەڵەبجە لە ئاگادارییەکدا بۆ هاوڵاتیانی ئەو دەڤەرە دەڵێت، کە بڕە غازێکی زۆر بەردەستە لە کارگەی غازەکانی سنووری پارێزگاکەمان و هیچ جۆرە گرفتێک نییە لە رووی دابەشکردنی غازەوە.

ئاماژەی بەوەش کردووە، خەزانەکان پڕن و هەموو رۆژانی هەفتە غاز دابەشکردن لە کارگەکاندا هەیە.

کاتژمێر 11:30 خولەکی شەوی چوارشەممە لەسەر پێنجشەممەی رابردوو، هێرش کرایەسەر کێڵگەی غازی کۆرمۆر لە قەزای چەمچەماڵ و 2700 بۆ 3000 مێگاوات کارەبای کوردستان کەمبووە و کارەبای نیشتمانی زۆربەی ناوچەکانی کوردستان کوژایەوە، دواتر هاوڵاتیان خەمی ئەوەشیان لێ پەیدا بوو کە غازیش کەم ببێتەوە و نەمێنێت.