له ناحیهى سیروان
خاوهن پڕۆژهیهک گوێی به رێنمایی ژینگه نهداوه و درایه دادگا
964+
فهرهاد حهسهن
له ناحیهى سیروانى سهر به پارێزگاى ههڵهبجه، خاوهن پڕۆژهیهك كه پێشتر ئاگاداركرابووهوه لهخۆیهوه درهختى بهردهم پڕۆژهكهى نهبڕێتەوە، كهچی پێچهوانهى رێنماییهكانى ژینگه چهند درهختى بڕیوهتهوه و ژینگهى ههڵهبجهش داویهتییه دادگا.
پڕۆژهكه دهكهوێته ناو بازاڕى ئهم ناحیهیه.
کۆسار مەحمود، بەرپرسی هۆشیاری و راگەیاندنی فەرمانگەی ژینگەی هەڵەبجە بە 964ـی راگەیاند، دوای ئەوەی لیژنەی پشکنین و بەدواداچوونی فەرمانگەكهیان سەردانی شوێنى جێبەجێکردنی پڕۆژەهیان کردبوو، رێنمایی پێویستیان به خاوهن پڕۆژهكه دابوو بۆ پاراستنی درەختەکان لەکاتی جێبەجێکردنی پڕۆژەکە، بەڵام دهڵێت “گوێی به رێنماییهكانمان نهداوه و درهختهكانى بڕیوهتهوه”.
درهختهكان له جۆرى توون و زۆربهیان درهختى بهتهمهنن.
وتیشی “وهكو فهرمانگهى ژینگه داواى یاساییمان لهسهر خاوهنى پڕۆژهكه تۆمار كردووه و چاوهڕێى رێكارهكانى دادگاین”.
بهپێی مادهى 42 ـى ههمواركراوى یاسای چاككردن و پاراستنى ژینگه له ساڵى 2008، ههركهسێك لهخۆیهوه دار و درهخت ببڕێت و پێشێلی رێنماییه ژینگهییهكان بكات، ئهوا دوو جۆر سزاى بۆ داندراوه، یهكهمیان پێبژاردن له 150 ههار دینار تاوهكو 200 ملیۆن و دینار و یاخود بهندكردنى لهماوهى یهك مانگ كهمتر نهبێت.
کۆسار مەحمود دهڵێت، دوكاندارهكانى ناو بازاڕی ناحیهكهش به بڕینهوهى ئهم دارانه ناڕازین.
تاجە گوڵینە لەسەر گۆڕی یەکێک لە شەهیدانی ژینگەی هەڵەبجە دانرا
پـۆلیسی دارستان و ژینگەی هەڵەبجە شاخ و كێوهكان دهگهڕێت بۆ پاراستنى كهڵهههرز
