سوتاندنی پاشماوەکان کە بۆ 964 نێردراوە
"ژەهرە بۆ ژینگە"
پاشماوە سووتاندن شەش جوتیاری بە گرتن داوە
964+
ئەحمەد مستەفا
رێکخراوێکی ژینگەیی، سەرەڕای ئەوەی بە دیاردەیەکی ناشرین وەسفی دەکات و دەڵێ کە چەندین جارە دووبارە دەبێتەوە، باس لەوە دەکات، لە رێگەی دێلێژەی بازیان، بەشێک لە جوتیاران پاشماوەی بۆری و موادە کشتوکاڵییەکانیان دەسوتێنن.
وەک دەڵێن، خەمی ئەوان ژینگەیە بۆیە، چونکە لە ماوەی رابردوو شەش جوتیاران بەهۆی ئەو کاراوە، لەلایەن حکومەتە خۆجێیەکان دەستگرکراون.
ملکۆ بازیانی، سەرۆی پارتی سەوزی کوردستان بە 964ی وت، ئەو پاشماوانە دەبێتە هۆی پیسبوونی ژینگە و سروشتی ناوچەکە، ئەمە سەرەڕای ئەوەی چەندین جارە لەلایەن قایمقامیەت و بنکەی پۆلیسی دارستان و ژینگەی بازیان و فەرمانگەی ژینگە و شارەوانیی و سەرجەم لایەنە پەیوەندیدارەکانی سنورەکەوە ئاگادار دەکرێنەوە.
وە رووبەرووی دەستگیرکردنیش بوونەتەوە و تائێستا جوتیار دەستگیرکراوە لەبەرامبەر ئەو پێشێلکارییانەدا، بەڵام هەمان دیاردە رۆژانە دووبارە دەکرێتەوە و بنبڕ نەبووە.
پارتی سەوزی کوردستان داوا لەو جوتیارانە دەکات، بەدووربن لە سوتاندنی ئەو پاشماوانەی کە دەبنە مەترسی لەسەر ژینگە و بە توندی ئیدانەی ئەوکارە دەکەن، دەڵێن، دژی دەوەستینەوە و رێکاری یاسایی دەگرینەبەر بەرامبەر ئەوکەسانە.
ملکۆ بازیانی، داوای لەو جوتیارانە کرد ئەو پاشماوانە کۆبکەنەوە و لەناو زەوییەکانی خۆیاندا لەناو چاڵێکدا دایبپۆشن، چونکە بەوشێوەیە سودی بۆ بەپیتی زەویەکەش دەبێت و ژینگە و سروشتیش پارێزراودەبێت لە دوکەڵی ژەهراوی ئەو پاشماوانە.
سوپاسی هەموو ئەو کەس و لایەنانە دەکەین کە لەهەر شوێنێک پێشێلکاریی و تاوانێکی ژینگەیی دەبینن وێنە و ڤیدیۆی دەکەن و بۆمان دەنێرن، بەڵێن دەدەین دژی هەر پێشێلکاریی و تاوانێکی ژینگەیی بوەستینەوە و هەموو کارێک دەکەین بۆ پاراستنی ژینگە و سروشتی وڵاتەکەمان، ملکۆ بازیانی وات وت.
