دەستی پیرە پیاوێکی بە حەبل بەستووە و لە نزیک شەقامێک جێیهێشتووە

964+
کاروان ساڵح

پیاوێک لە پارێزگای واستەوە بەڕێکەوتووە بۆ کەرکوک بۆ تەواوکردنی شەهیدانەی کوڕە کوژراوەکەی، سایەقی ئەو سەیارەیەی پێی هاتووە لە نزیک شەقامی پشتێنەیی کەرکوک بە حەبل دەستی بەستووەتەوە، پارە و مۆبایلەیە بردووە.

ئەمڕۆ پێنجشەممە پۆلیسی کەرکوک ئەم رووداوەی بڵاوکردەوە.

سەرچاوەیەک لە پۆلیسی کەرکوک بە 964ی وت، پیاوەکە تەمەنی 69 ساڵە و لە واستەوە هاتووە بۆ ئەوەی مامەڵەی كوڕەكەی تەواو بكات كە لە ریزەكانی حەشدی شەعبی کوژراوە، لە ئێستادا لێكۆڵینەوە بەردەوامە تاوەكو دەگەن بە سەرەداوێكی رووداوەكە.