تا ئێستا تەرمی سێ کەس دەرهێنراونەتەوە
زانیاری نوێ لەبارەی رووداوی هاتوچۆکەی سەر رێگای هەولێر – کەرکوک
ئەحمەد شەمزین – هەولێر
لە رووداوی هاتوچۆکەی سەر رێگای هەولێر – کەرکوک دوو ئۆتۆمبێل بەتەواوەتی سووتان و تا ئێستاش تەرمی سێ کەس دەرهێنراونەتەوە.
پەیامنێری 964 چووەتە شوێنی رووداوەکە و دەڵێت، لەناو بارهەڵگرەکەدا جگە لە شۆفێرەکەی سەرنشینێکی دیکەی تێدابووە کە شۆفێرەکەی بەتەواوەتی سووتاوە و تەرمەکەشی دەرهێنراوەتەوە.
ئاماژەی بەوەشکرد، لە ناو ئۆتۆمبێلی تایبەتەکەش کە لە جۆری جیتایە، خێزانێکی چوار کەسی تێدابووە کە دوو تەرم لەوانیش دەرهێنراونەتەوە.
تیمەکانی بەرگری شارستانی و هێزە ئەمنییەکانیش ئامارێکی ورد نادەن بەدەستەوە و دەڵێن، لەبەر ئەوەی رووداوکە سووتانی تێدابووە، تا ئێستا بەوردی دیاری نییە چەند کەس گیانیان لەدەستداوە و چەند کەسیش برینداربوون.
پێداچوونەوە؛ شۆڕش قادری