وهزارهتى داد وادهڵێت؛
“رهوشتى باش” مهرجێكى ئازادكردنی مهرجداری زیندانیكراوانه له عێراق
964+
فهرهاد حهسهن
لهعێراق یهكێك لهو مهرجانهى كه بۆ ئازادكردنی مهرجداری زیندانیكراوان داندراوه، ئهوهیه كه زیندانیكراوهكه رهوشتى باش بێت ئینجا ئازاد دهكرێت.
وهزارهتی دادی عێراق ئهمڕۆ یهكشهممه بڵاویكردهوه، دهستیان به پێداچونهوه و ههمواركردنهوهی یاساكانی تایبهت به منداڵان و نهوجهوانان و بێسهروشوێنكردنی زۆرهملێ كردووه و لهبارهی ئازادكردنی مهرجداریشهوه دهڵێت، “ئهو زیندانیكراوانه دهگرێتهوه كه رهوشتیان باشه”.
ئهحمهد لهعیبی وتهبێژی وهزارهتی داد رایگهیاند، وهزارهتهكهیان گرنگییهكی زۆر بهم دۆسیهیه دهدات و یاسایهكی تایبهت به بهڕێوهبردنی داتای زیندانیان ئاماده كراوه، ههروهها دهرفهتی خوێندن و راهێنانی پیشهیی لهناو زیندانهكاندا دابینكراوه و ئازادكردنی مهرجدار بهو زیندانیانه دهدرێت كه رهوشتیان باشه.
وتیشی “زیندانیكراوان كه ئهم مهرجانه دهیانگرێتهوه، پاش پۆلێنكردنیان بهپێی جۆری تاوان و ماوهی سزاكهیان، ئازاد دهكرێن”.
باسی لهوشهكرد، وهزارهتی داد كار لهسهر پهرهپێدانی پڕۆژهی دیجیتاڵ (به ئهلیكترۆنیكردن) له دادگاكان و فهرمانگهكانی تۆماركردنی خانوبهره دهكات، به شێوهیهك كه مامهڵهكانی هاوڵاتیان له رێگهی پۆرتاڵی (ئور)هوه به شێوهی ئهلیكترۆنی ئهنجامدهدرێن، ئهمهش بوهته هۆی كهمكردنهوهی رۆتین و دواكهوتن.
زیاتر له ههزار منداڵی چهكدارانی داعش رهوانهی دهرهوهی عێراق كراون
