بێدەنگییەکی حەزین باڵی بەسەر ناوچەکەدا کێشاوە
گەڕەکەکانی باکوری رۆژئاوای غەزە بوونەتە وێرانە و کەڵکی ژیانیان نەماوە
964+
شۆڕش قادری
گەڕەکی تاوەرەکانی ئەلمەقسووری لە باکوری رۆژئاوای غەزە وەک زۆربەی ناوچەکانی ئەو شارە بووەتە وێرانە و زۆربەی بینا و خانووەکانی تەختی زەوی بوون.
بەپێی ئەو گرتەڤیدیۆیانەی کە ئاژانسی هەواڵی ئەسۆشێتدپرێس بڵاویکردوونەتەوە، لە گەڕەکی تاوەرەکانی ئەلمەقسووری، کەم بینا و خانوو هەیە لەسەر پێ مابێ، ئەوانیشی ماون کەڵکی ژیانیان نەماوە.
دوای راگەیاندنی ئاگربەست شارەکە کش و مات بووە و بێدەنگییەکی حەزین باڵی بەسەر ناوچەکەدا کێشاوە.
دانیشتووانی ئەو ناوچەیە وردە وەردە دەگەڕێنەوە ماڵە وێرانبووەکانیان، هەرچەندە ترسی سەرهەڵدانەوەی شەڕ هێشتا نەڕەویوەتەوە و بە ترس و دڵەڕواکێی زۆرەوە رۆژگار دەگوزەرێنن.
"ترەمپ نوێنەری خۆی بۆ غەزە دەنێرێت"
